Sa adlaw nga tanan kamu akong gibuligan
Kay sa kanunay akong gihangyo ang labing gamhanan
Nga ikaw sa kanunay iya kang pagabantayan
Kay kamu ang hinungdan nga ania ako sa kalibutan
Bisan sa tumang unos, iya akong gitabangan
Nga mahimong magmalig-on sa akong balatian
Bisan sa tumang kapait nga akong nahi-aguman
Kay kamu man ang insperasyon sa adlaw nga tanan
Ang gugmang tiunay maoy nakahatag ug kalipay
Kay bisan sa kapit-os ani-a ka sa kanunay
Andam nga mualalay sa kasakit ug kalipay
Kay gugma kang tiunay nga walay pugsanay
Bisan napuno sa panamastamas ug pagsulay
Andam kang musapupo kanako ug musapnay
Ug gihatagan ko nimu ug dayag nga kalipay
Ang akong kasing-kasing napuno sa talidhay
Author: Erikho Obido
No comments:
Post a Comment