Oh... Inday, bituon ka sa akong mga mata
Nga buot halaran sa matam-is kong gugma
Dinhe sa akong dughan ikaw nag-inusara
Bisan sa imong pagtandi kanako isa ka basura
Oh... Inday, walay makatukib sa akong pagbati
Nga buot kang halaran sa gugma kong putli
Kay gauros-uros kaning akong pagbati
Dinhe sa akong dughan ikaw akong bahandi
Oh... Inday kung gihigugma
Susama ka sa bulalakaw nga nagasiga
Nga kanunay handumon nga maangkon ka
Kay ako nagpuyo man nga nag-inusara
Kay ako andam na ug tagana
Sa pagpaso sa sinaguga
Nga itsa-itsahan sa mga bulak ug gasa
Ug tugbangan mo akong gugma akong kalipay walay susama.
