Kamingaw sa Payag

Sa kaniadtong nag-uban pakita
Ang atong kalipay walay gayoy susama
Kay puno sa talidhay ug katawa
Ug puno sa kadasig ug damgo nga saw-an ta

Ikaw ang nagmugna nga mutuybo ang gugma sa akong dughan
Kay ikaw man nag-abre sa tinapigan kong galamhan
Sa kinauyukan kong dughan imong giabrehan
Sa akong tiunay nga gugma walay kabalhinan

Apan ikaw nagpahilayo ang dughan ko nahisubo
Kay ang akong dughan ug hunahuna dili na magtakdo
Kay sa kamingaw ug kaguol mao may mobutho
Bisan sa kagabhion mata dili mupiyong kay ikaw ang hunahunaon

Bisan ikaw nagpahilayo ikaw gihapon ang gihangyo
Kay sa dughan ikaw man ang makapawala sa kasubo
Kay gugmang tiunay man sa akong dughan ang nituybo
Apan dinhe kanako ikaw man ang nagpahilayo

Tungod sa akong kamingaw ang payag akong giduaw
Maoy bugtong saki sa gugma nga atong gipahungaw
Ug ako gisayangan ug napuno sa pagpanghupaw
Kay kanako ikaw nagpahilayo ug hain kaman nipanaw

Author: Erikho Obido