Pinangga Kong Ginikanan

Oh, pinangga kong Nanay og Tatay
Sa gugma ninyo nako nananalaytay
Sa pagmatuto og pagpadako kanako
Sa maayong pamatasan kami nagtubo

Kamo ang akong bahandi dinhe sa kalibutan
Nga dili nako mahikalimtan
Kay kaninyo man ako nagagikan
Kay kamo man ang pinangga ko ginikanan

Kamo man ang nagpadako kanako
Ako man ang bunga sa inyong mga damgo
Gasa ni Lord nga labing gamhanan
Nagpasalamat ako sa inyong pag-atiman

Kay kamo hapit naman mupanaw ning atong kalibutan
Ako napod ang mopangga ninyo og mu-atiman
Kay inyong kamot og tuhod luya naman
Busa ani-a ako kaninyo, kanunay sa pag-atiman

Kamo ang akong bahandi
kamo man ang naghatag kanako ug kinbuhi
Maong pagpangga usab ang akong sukli
Kay managsama kita og pagbati
Sa paghiguma maoy tiunay og putli

by: Erikho Obido

Kamot nga Makugi

Dako nila nga kalipay
Hilabina kay Nanay og Tatay
Sila napuyo nga dili hamugaway
Kay sila nagadako nga puno sa pagpanikaysikay

Sila nagkugi para ang anak malipay
Para makahatag sa panginahanglanon sa balay
Ug ikaw gitudluan sa trabahong panimalay
Apan gusto nimu permi kang hayahay

Ganahan ka nga kanunay magpalagaylay
Kay sa trabaho permi kang galikay
Sa sugo ni Nanay ga kusmod ka kanunay
Kay imong gusto permi kang haruhay

Ang pagsugo kanimo adunay tumong
Para sa trabaho ikaw makakat-on
Kay basin unya sila mupanaw duna silay ikapabalon
Sa makugi nilang kamot imo ra unyang handumon

Pag-istambay dili unta Magdugay

Sa pag-istambay dili gayod malikayan
Kay dili man kanunay kita adunahan
Sa pagpangita ug trabaho usahay makabsan
Tungod sa kadaghan nga nanginahanglan

Apan magpasalamat gihapon sa kahitas-an
Nga kita kanunay iyang gibuligan
Sa maayong panglawas kita gihatagan
Panahon sa kalisdanan siya atong madangpan

Sa akong pag-istambay hinaut unta dili magdugay
Para makatabang sa akong nanay og tatay
Kay sila hamtong na ug kinahanglan ug agakay
Haron aduna silay panahon sa pagpalagaylay

Dako nakong pasalamat sa gasa nga iyang hinatag
Sa trabaho nga gipangandoy iyang gihatag
Kang Nanay og Tatay kalipay ang ikahatag
Salamat gayod Lord kay sa pagtabang nga dayag.

By: Erikho Obido